کسی زمانے میں، کمپیوٹر گیمز یکساں ہوا کرتی تھیں۔ 1993 میں تو "کیژوئَل گیم" یعنی اتفاقیہ گیم کی اصطلاح تک نہیں ہوا کرتی تھی، کُجَا یہ خیال کہ 'فَرسٹ پَرسَن شُوٹَر' یا خود بطور نشانہ باز کھیلی جانے والی کھیلیں )تب ایک بے نام طرز( کو بھی ایک "مخصوص عنوان" سمجھا جا ئے گا۔ تب کچھ لوگ کمپیوٹر گیم کھیلتے تھے، اور کچھ نہیں۔ جو لوگ 'گالف'، یا 'ہارپون'، یا 'ہارٹس'، یا 'ٹیکسٹ ایڈونچرز' تک رسائی رکھتے تھے _ وہ کٹَ٘ر قسم کے کھلاڑی تھے، کیونکہ وہ اپنے منتخب انداز کی کھیل عادی طور پرمستقلاً کھیلا کرتے تھے۔

جب 'مِسٹ' اور سی ڈی روم بالآخر وسیع پیمانے پر متعارف ہوئے، تو اس ماحولیاتی نظام میں خلل پڑا۔ روبن ملر واضح کرتے ہیں کہ'مِسٹ' کو ایک ایسے انداز میں تخلیق کیا گیا تھا، جو غیر کھلاڑیوں کو راغب کرتا تھا۔ اور یہ انہیں بکنے میں کامیاب رہی۔ شائقین کے رسائل، جیسے کہ 'کمپیوٹر گیمنگ ورلڈ'، اب اس صنعت کا مزاج متعین کرنے سے قاصر تھے: وجہ یہ کہ اب ایسے لوگ لاکھوں کی تعداد میں گیمز خرید رہے تھے، جو ان رسالوں کے قاری نہیں تھے۔ کھلاڑیوں کی ایک بالکل نئی قسم۔ اس صورت حال میں مَن و تُو کی تفریق پیدا کرنے کی ترکیب گَھڑنے سے زیادہ فطری کیا ہو سکتا تھا؟ ایک انتہائی حقیقی انداز میں یہ پہلے سے ہی ہو رہا تھا۔

'مِسٹ' کی داستان کی خاص بات یہ ہے کہ اس کے جاری ہونے پر "کٹَ٘ر" گیم پریس اور پرانے کھلاڑیوں نے اسے شدید عوامی تنقید کا نشانہ بنایا۔ اسے اپنانے سے انکار کر دیا۔ اُن کی رائے میں اس کی وقعت 'سلائیڈ شو' یا بدلتی تصویری نمائش جتنی تھی۔ دقیق، احمقانہ معمّے؛ خوبصورت گرافکس لیکن بغیر کسی گہرائی کے۔ 2001 میں پی سی گیمز کے مائیکل وُولف نے دعوی کیا کہ "ناقدین اور کٹَ٘ر کھلاڑیوں نے بیک زبان اِس پر ایک ایسے 'سلائیڈ شو' ہونے کا الزام لگایا، جس میں 'گیم پلے انٹرایکشن' یا کھیلے جانے کے قابل حقیقی تعامل بہت کم تھا"۔ اسی سال، 'میکسِیمَم پی سی' رسالے کے ایک کالم نویس نے 'مسٹ' کو ایک " اُکتاہَٹ انگیز، عُقدہ کُشائی طلب، اور آپ کی غلط کَلیں دبانے والی، کَباڑ" کے الفاظ میں یاد کیا، اور اِس کی تب تازہ جاری ہونے والی تجدیدی شکل 'رِیئَل مِسٹ' پر یوں تبصرہ کیا "اس بات کی ایک صریح یاد دہانی، کہ پریس نے اس کی ابتدائی شکل کی رونمائی پر اس پر کوڑا کیوں اُچھالا تھا"۔